Tuesday, January 6, 2009

ചുംബനത്തെ വരിഞ്ഞു കെട്ടാന്‍
ഒരു മുഴം കയറ് താ
(മഹാരാജാസ് സായാഹ്നങ്ങള്‍ക്ക്‌ )

''കയ്ച്ചാലും വേണ്ടീല
പെണ്ണേ, ഒരുമ്മ തന്നിട്ട് പോ ...''
-ഞാന്‍ കെഞ്ചി.

ഒരുമിച്ച് ബൈക്കുയാത്ര ആകാം
പാര്‍ക്കിലോ ബീച്ചിലോ ടാക്കീസിലോ
ഒരുമിച്ചിരുന്നു രസം പിടിക്കാം
അപ്പോളൊന്നും
ഒരിഷ്ട്ടക്കേടുമില്ല അവള്‍ക്ക്.

അമ്മ ,
അച്ച്ചന്‍,
ചിറ്റപ്പന്‍ ,വീട്
അയല്‍ക്കാരന്‍ ചേട്ടന്‍
കൂട്ടുകാരികള്‍...
ഒരു വേവലാതിയുമില്ല അവള്‍ക്ക്.

പണ്ടെന്നോ ചത്തു പോയവര്‍
രാത്രിയില്‍
സ്വപ്നത്തില്‍ വന്ന് പേടിപ്പിക്കുകയും
വിലക്കുകയുമില്ല അവളെ .

ഞാന്‍ കുടിച്ച പെപ്സിയുടെ പാതികുടിക്കാം.
ഞാന്‍ കടിച്ച പിസ്സ അതേപടി തിന്നാം.
മഴക്കും veilinum കുടപിടിച്ചാല്‍
കൂടെ ഉരുമ്മി നടക്കാം .
അപ്പോളൊന്നും
ഒരു കുഴപ്പവുമില്ല അവള്‍ക്ക്.

ഒരുമിച്ച് തുണിക്കടകളില്‍
ഒരുമിച്ച് വളക്കടകളില്‍
ഒരുമിച്ച് പുസ്തകക്കടകളില്‍
ഒരുമിച്ചൊരുമിച്ചൊരുമിച്ചു
ഒരു കുഴപ്പവുമില്ല അവള്‍ക്ക് .

വൈകുന്നേരം
പോകാന്‍ നേരം
''പെണ്ണേ ഒരുമ്മ
തന്നിട്ട് പോ ''എന്നെങ്ങാനും
ഞാന്‍ മിണ്ടിപ്പോയാല്‍ ,
''അയ്യോ !അച്ച്ചന്‍ വരും ...''
''അയ്യോ!ചിറ്റപ്പന്‍ കാണും...''
''വീട്ടിലറിഞ്ഞാല്‍..''
''വേണ്ടന്നേ...''
''നാളെത്തരാം...''
''കയ്പ്പാണ്...''
''പുളിപ്പാണ്...''
അങ്ങനെയങ്ങനെ
പോകാന്‍ നേരം
വൈകുന്നേരം .

അല്ലെങ്കിലും
ഈ പെണ്ണുങ്ങള്‍ ഇങ്ങനെയാ .
അവര്‍ക്ക് പ്രേമിക്കാന്‍

അറിയത്തെയില്ല.
അവരെ
പ്രേമിക്കാന്‍
കൊള്ളത്തെയില്ല.

13 comments:

ശിവ said...

അപ്പോള്‍ ഇതാ കയ്യിലിരിപ്പ് അല്ലേ!

വിഷ്ണു പ്രസാദ് said...

:)

ജയേഷ് said...

അല്ലെങ്കിലും ഈ പെണ്‍ പിള്ളേരൊക്കെ ഇങ്ങനെയാ..ഒരാവശ്യത്തിന്‌ ഉപകരിക്കില്ല ;)

ഹാരിസ് said...

KEEP ON TRY

...പകല്‍കിനാവന്‍...daYdreamEr... said...

കൊച്ചു ഗള്ളന്‍ അജീഷ് കുട്ടാ... ഈ തിരുമോന്തായം ഇങ്ങനെ ഇരിക്കുന്നതല്ലേ നല്ലത്... ഹഹഹ ..... കലക്കി....

പാറുക്കുട്ടി said...

എന്റെ ബ്ലോഗിൽ വന്നതിന് നന്ദി.

പുതുവത്സരശംസകൾ!

കുറുപ്പിന്റെ കണക്കു പുസ്തകം said...

രസമുണ്ടായിരുന്നു, പോരട്ടെ അങ്ങനെ ഓരോന്നും. എന്റെ കഥ പീടികയില്‍ വന്നതിനും കമെന്റ് ഇട്ടതിനും നന്ദി അജീഷ് അണ്ണാ

തൂലികാ ജാലകം said...

ഭാവുകങ്ങൾ!

lakshmy said...

ഹ ഹ. അതിഷ്ടപ്പെട്ടു

sudheesh kottembram said...

ഉം ഭയങ്കരം തന്നെ...

വീണ said...

ഹഹഹ!

donivk said...

naatil umma kutgalku matram kodukanulla sadanamannennu thonnoo...karakiyalle...

sumi said...

kollallo mashee..........ennalum ithratholam venarnno............