Wednesday, January 28, 2009

തര്‍ജമ
സായാഹ്നം , ജട്ടി മൈതാനം
വര്‍ഗീയ വിരുദ്ധ സെമിനാര്‍
പ്രസംഗപീടത്തില്‍ ഉത്ഖാടകന്‍
ദേശീയ പണ്ഡിത ശ്രേഷ്ട്ടന്‍
ആളൊരു ഹിന്ദിക്കാരന്‍ .
കുതറീ ഘനഗംഭീരത്തില്‍ ; ''dear friends ,
we should stand against communalism by loving each other
and by having absolute faith in each other .a new generation
should emerge who whould love their neighbours as themselves.''
ഹാളില്‍
വിവര്‍ത്ത്തനത്തിനു ദാഹിക്കും
ഒരായിരം തൊണ്ടയലറുന്നു .
പിന്നൊരു നിമിഷത്തെ നിശ്ശബ്ദത .
അതിന്‍ കൈവരി പിടിച്ച്
മെല്ലെ നടന്നു വരുന്നു ....''പ്രിയമുള്ളവരേ നമ്മുടെ
ഉത്ഘാടകന്‍ പറഞ്ഞതെന്താണെന്നുവച്ചാല്‍ ...''
അതാ വായ്മാറ്റക്കാരന്റെ ശബ്ദം ;''വര്‍ഗീയതക്കെതിരെ
നമ്മള്‍ കണ്ണും കാതും തുറന്നുവെക്കണമെന്നാണ് .
ഇരുട്ടില്‍ പതുങ്ങിയിരുന്ന് എതിരാളികളെ
ആക്രമിക്കണമെന്നാണ് പ്രിയമുള്ളവരേ നമ്മുടെ
ഉത്ഘാടകന്‍ പറയുന്നത്.

ഹേ........യ്....
ആര്‍പ്പേ .....


'the means by which we could achieve this goal should
be one of peace and non-violence. this is the one and only
goal towards which humanity should progress....''

''പ്രിയമുള്ളവരേ , ഒരു ജാഥയായി പോയി വീടുകള്‍ക്ക്
തീവെക്കണമെന്നും അവരുടെ അമ്മ പെങ്ങമ്മാരെ
വലിച്ചിഴച്ചു നടുറോട്ടിലിട്ടു ബലാല്‍സംഗം
ചെയ്യണമെന്നും അദ്ദേഹം ഊന്നി ഊന്നിപ്പറയുന്നു... ''


ഹാളില്‍
കയ്യടി ,യാര്‍പ്പുവിളി -
ഒച്ചകള്‍
അലര്‍ച്ചകള്‍
തീരാതെ ...തീരാതെ.

ഇതൊക്കെ കണ്ടപ്പോള്‍

ഉത്ഘാടകനൊരു സംശയം

ഇത്രയും ഒച്ചയിടാന്‍ മാത്രം

താനൊന്നും പറഞ്ഞില്ലല്ലോ .

ഇങ്ങനെ കൂകി വിളിക്കാന്‍ മാത്രം .

ഇനിയിപ്പോള്‍

താന്‍ പറഞ്ഞ കാര്യങ്ങള്‍ ഒന്നുമല്ലേ

ഈ വായ്മാറ്റക്കാരന്‍

ആളുകള്‍ക്ക് പറഞ്ഞുകൊടുക്കുന്നത് .

ഹിന്ദിയില്‍

സംശയിച്ചങ്ങനെ നില്‍ക്കുമ്പോള്‍

അതാ വരുന്നൂ വീണ്ടും വായ്മാറ്റക്കാരന്റെ ശബ്ദം ;

''പ്രിയമുള്ളവരേ നമ്മുടെ ഉത്ഘാടകന്‍ ഇനി

പറയാന്‍ പോകുന്നതെന്താണെന്നുവെച്ചാല്‍

വര്‍ഗീയത ഈ നാട്ടില്‍ മാത്രം കാണപ്പെടുന്ന ഒന്നല്ല .

നമ്മുടെ അയല്‍പ്രദേശങ്ങളിലും അതുണ്ട്.

അതുകൊണ്ട് എത്രയും വേഗം തന്നെ നമുക്ക്

അടുത്ത പ്രദേശത്തെ ജനങ്ങളെയും

തല്ലിയൊതുക്കേണ്ടതുണ്ട് .

അങ്ങനെ കേരളം മുഴുവന്‍ ഓടിനടന്ന് കാര്യങ്ങള്‍

എടുപിടീന്ന് അവസാനിപ്പിക്കെണ്ടതിനാല്‍

ഒരു നിമിഷം പോലും പാഴാക്കാനില്ല സുഹൃത്തുക്കളേ.

അതുകൊണ്ട് ഉത്ഘാടകപ്രാസംഗികന്‍ ഇവിടെത്തന്നെ

നിന്നു പ്രസംഗിക്കട്ടെ . വെട്ടുകത്തി ,വടിവാള്‍,

നാടന്‍ ബോംബ് മുതലായവ കൊണ്ടുവന്നിട്ടുള്ളവര്‍

ഹാളിനു തെക്കുവശത്തേക്കു മാറിനില്‍ക്കേണ്ടതാണ്.

7 comments:

മഴക്കിളി said...

ഈ കവിത ഞാന്‍ വായിച്ചതു ദേശാഭിമാനിയില്‍ നിന്നാ‍ണെന്നു തോന്നുന്നു..അന്നു തന്നെ ഞങ്ങള്‍ ചര്‍ച്ച ചെയ്തിരുന്നു...വാക്കുകളില്‍ വാസ്തവത്തെ വരച്ചുവച്ചിരിക്കുന്നു..

ദേവദാസ് വി.എം. said...

pusthakam vaangi ketto ajeeshey :)

ajeesh dasan said...
This comment has been removed by the author.
ajeesh dasan said...
This comment has been removed by the author.
ajeesh dasan said...

thank u devadas....
puthiya kavikale aarkkum vendatha ee kaalathu ningaleppolulla nallamanasulla vaayanakkaar undennariyumbol kooduthal santhoshamaanu thonnunnathu...
orkkalkkoodi nandi....

ajeesh dasan said...

priya mazhakkili suhruthe..
ente kavitha vaayichathil santhosham...

Jayesh / ജ യേ ഷ് said...

കവിത ഇഷ്ടപ്പെട്ടു