പിരിയുമ്പോള്‍


പിരിയുമ്പോള്‍
അവളോട്‌

ഞാന്‍ ചത്തെന്ന്‌ അറിഞ്ഞാല്‍ പോലും
കാണാന്‍ വന്നേക്കരുതെന്ന്
പറയണമെന്നുണ്ടായിരുന്നു
പക്ഷെ ,പറഞ്ഞില്ല.

അവളെങ്ങാനും വന്നാല്‍
എനിക്കെന്തു ചെയ്യാനാവും .

പ്രേമമേ നീ പെട്ടന്ന് തീര്‍ന്നുപോമൊരു കവിതയോ

എനിക്കെന്റെ ആദ്യത്തെ പ്രേമം നഷ്ടമായത്
ഞാന്‍ എഴുതിയ ആദ്യത്തെ കവിത
അവള്‍ക്കു വായിക്കാന്‍ കൊടുത്തതിനാലാനെന്നു
രണ്ടാമതൊരു കവിത എഴുതി രണ്ടാമത്തവളെ വായിച്ചു കേള്പ്പിച്ചപ്പോള്‍ ആണ്
മനസ്സിലായത് .

രണ്ടാമത്തവള്‍ പോയ
വഴിയിലേക്കു നോക്കി ഇരിക്കുമ്പോള്‍
അതാ മൂന്നാമതൊരു കവിത എഴുതാന്‍ മുട്ടലുണ്ടാകുന്നു

ആ കവിത എന്റെ പട്ടിയെഴുതും....

അണ്‍ സാടിസ്ഫയെദ് ആന്റീസ് ആന്‍ഡ്‌ അന്കില്സ് ക്ലബ്ബ്
ഇപ്പോഴും
രണ്ടു കുന്നും ഒരു കുഴിയുമാണ്
ഈ പെണ്ണുങ്ങള്‍

എപ്പോഴും
കുന്നിടിച്ചു നിരത്തലും
കുഴിമൂടലുമാണ്
ഈ ആണുങ്ങള്‍

ദയവായി
അവരോടാരും
അരുതെന്നുമാത്രം
പറയരുതേ

വിശപ്പ്‌

തള്ളയുടെ മടിയില്‍ കിടന്നു

മുലകുടിക്കുന്ന ഒരു കുഞ്ഞും

അതിന്റെ തന്തയും തമ്മിലുള്ള വ്യത്യാസം

തന്ത അടങ്ങിക്കിടക്കില്ല

എന്നത് മാത്രമാണ്

ചെമ്പരത്തികള്‍

അവള്‍ നട്ടതെന്നും
എനിക്കുള്ള വിത്ത്
അവള്‍ വെള്ളമേകി
എനിക്കുള്ള പൂവ്
അതിനുള്ള ഗന്ധം
അതിനുള്ള ചോപ്പ്‌
അവള്‍ കാത്ത്തതെന്നും
എനിക്കുള്ള പൂവ്
ചെവിതോറും അത് ചൂടി
ഞാന്‍ നില്‍ക്കുവോളം
അവളെന്റെയല്ലേ ...
ഇതു പ്രേമമല്ലേ...