താക്കോല്‍

2009-12-03T04:05:00.000-08:00

കാന്‍സര്‍ വാര്‍ഡ്‌ എന്ന എന്‍റെ ആദ്യത്തെ പുസ്തകം ഡി സീ ബുക്സ് പ്രസിദ്ധീകരിച്ചു

2009-11-29T23:54:00.000-08:00

പതിനേഴുവയതിനിലേ

മൂന്നു വര്‍ഷം മുന്‍പ്

കാറപകടത്തില്‍

മകനെ നഷ്ടപ്പെട്ട

ഒരു സ്ത്രീ

ട്രെയിനില്‍ വെച്ച്

തന്‍റെ എതിരേ സീറ്റിലിരിക്കുന്ന

പതിനേഴുകാരനെ നോക്കി

കണ്ണെടുക്കാതെ

"മോനേ നിനക്കെന്‍റെ

കുട്ടിയുടെ മുഖമാണല്ലോ "...യെന്ന്

വിചാരപ്പെടുമ്പോള്‍ ,

എതിരേ സീറ്റിലിരിക്കുന്ന

പതിനേഴുകാരന്‍

കണ്ണെടുക്കാതെ തന്നെ

ആ സ്ത്രീയെ നോക്കി ;

"കൊള്ളാം ,ഇത്തിരി

പ്രായക്കൂടുതലുന്ടെന്നെയുള്ളൂ

ഇപ്പോഴും നല്ല മൊതലാ ..."ണെന്ന്

അല്‍പ്പം കൂടി കടന്ന് വിചാരപ്പെടുന്നു .

ട്രെയിന്‍

എറണാകുളത്തെത്തുമ്പോള്‍

പതിനേഴുകാരന്‍

ആ സ്ത്രീയോട്

"ഇവിടെയിറങ്ങിയാലോ ?"

എന്നുകൂടി ചോദിക്കും .

അങ്ങനെയെങ്കില്‍

അത്

അവന്‍റെ കുഴപ്പമല്ല .

2009-01-28T04:25:00.000-08:00

തര്‍ജമ
സായാഹ്നം , ജട്ടി മൈതാനം
വര്‍ഗീയ വിരുദ്ധ സെമിനാര്‍
പ്രസംഗപീടത്തില്‍ ഉത്ഖാടകന്‍
ദേശീയ പണ്ഡിത ശ്രേഷ്ട്ടന്‍
ആളൊരു ഹിന്ദിക്കാരന്‍ .
കുതറീ ഘനഗംഭീരത്തില്‍ ; ''dear friends ,
we should stand against communalism by loving each other
and by having absolute faith in each other .a new generation
should emerge who whould love their neighbours as themselves.''
ഹാളില്‍
വിവര്‍ത്ത്തനത്തിനു ദാഹിക്കും
ഒരായിരം തൊണ്ടയലറുന്നു .
പിന്നൊരു നിമിഷത്തെ നിശ്ശബ്ദത .
അതിന്‍ കൈവരി പിടിച്ച്
മെല്ലെ നടന്നു വരുന്നു ....''പ്രിയമുള്ളവരേ നമ്മുടെ
ഉത്ഘാടകന്‍ പറഞ്ഞതെന്താണെന്നുവച്ചാല്‍ ...''
അതാ വായ്മാറ്റക്കാരന്റെ ശബ്ദം ;''വര്‍ഗീയതക്കെതിരെ
നമ്മള്‍ കണ്ണും കാതും തുറന്നുവെക്കണമെന്നാണ് .
ഇരുട്ടില്‍ പതുങ്ങിയിരുന്ന് എതിരാളികളെ
ആക്രമിക്കണമെന്നാണ് പ്രിയമുള്ളവരേ നമ്മുടെ
ഉത്ഘാടകന്‍ പറയുന്നത്.

ഹേ........യ്....
ആര്‍പ്പേ .....

'the means by which we could achieve this goal should
be one of peace and non-violence. this is the one and only
goal towards which humanity should progress....''

''പ്രിയമുള്ളവരേ , ഒരു ജാഥയായി പോയി വീടുകള്‍ക്ക്
തീവെക്കണമെന്നും അവരുടെ അമ്മ പെങ്ങമ്മാരെ
വലിച്ചിഴച്ചു നടുറോട്ടിലിട്ടു ബലാല്‍സംഗം
ചെയ്യണമെന്നും അദ്ദേഹം ഊന്നി ഊന്നിപ്പറയുന്നു... ''

ഹാളില്‍
കയ്യടി ,യാര്‍പ്പുവിളി -
ഒച്ചകള്‍
അലര്‍ച്ചകള്‍
തീരാതെ ...തീരാതെ.

ഇതൊക്കെ കണ്ടപ്പോള്‍

ഉത്ഘാടകനൊരു സംശയം

ഇത്രയും ഒച്ചയിടാന്‍ മാത്രം

താനൊന്നും പറഞ്ഞില്ലല്ലോ .

ഇങ്ങനെ കൂകി വിളിക്കാന്‍ മാത്രം .

ഇനിയിപ്പോള്‍

താന്‍ പറഞ്ഞ കാര്യങ്ങള്‍ ഒന്നുമല്ലേ

ഈ വായ്മാറ്റക്കാരന്‍

ആളുകള്‍ക്ക് പറഞ്ഞുകൊടുക്കുന്നത് .

ഹിന്ദിയില്‍

സംശയിച്ചങ്ങനെ നില്‍ക്കുമ്പോള്‍

അതാ വരുന്നൂ വീണ്ടും വായ്മാറ്റക്കാരന്റെ ശബ്ദം ;

''പ്രിയമുള്ളവരേ നമ്മുടെ ഉത്ഘാടകന്‍ ഇനി

പറയാന്‍ പോകുന്നതെന്താണെന്നുവെച്ചാല്‍

വര്‍ഗീയത ഈ നാട്ടില്‍ മാത്രം കാണപ്പെടുന്ന ഒന്നല്ല .

നമ്മുടെ അയല്‍പ്രദേശങ്ങളിലും അതുണ്ട്.

അതുകൊണ്ട് എത്രയും വേഗം തന്നെ നമുക്ക്

അടുത്ത പ്രദേശത്തെ ജനങ്ങളെയും

തല്ലിയൊതുക്കേണ്ടതുണ്ട് .

അങ്ങനെ കേരളം മുഴുവന്‍ ഓടിനടന്ന് കാര്യങ്ങള്‍

എടുപിടീന്ന് അവസാനിപ്പിക്കെണ്ടതിനാല്‍

ഒരു നിമിഷം പോലും പാഴാക്കാനില്ല സുഹൃത്തുക്കളേ.

അതുകൊണ്ട് ഉത്ഘാടകപ്രാസംഗികന്‍ ഇവിടെത്തന്നെ

നിന്നു പ്രസംഗിക്കട്ടെ . വെട്ടുകത്തി ,വടിവാള്‍,

നാടന്‍ ബോംബ് മുതലായവ കൊണ്ടുവന്നിട്ടുള്ളവര്‍

ഹാളിനു തെക്കുവശത്തേക്കു മാറിനില്‍ക്കേണ്ടതാണ്.

2009-01-10T20:37:00.000-08:00

കാന്‍സര്‍ വാര്‍ഡ്‌
__________________
1.ജീവിച്ചിരിക്കുന്നവരെപ്പോലെ ഞെട്ടിയുണരാന്‍...

രാത്രിയിലെ
ഉറക്കത്തില്‍
പെട്ടെന്ന് .

ഡ്രിപ്പ് ഇട്ടിരുന്ന
ആരുടെയോ
ഒരു കുപ്പി മരുന്ന്
താഴേക്കു പൊട്ടി വീണു ;
വലിയ ഒച്ചയില്‍ .

കട്ടിലില്‍ നിന്ന് രോഗികള്‍
ഞെട്ടിയുണര്‍ന്നു
ഞെട്ടിയുണര്‍ന്നു ഡോക്ടര്‍
നഴ്സുമാര്‍
ഞെട്ടിയുണര്‍ന്നു.

ഡ്രിപ്പ് ഇട്ടിരിക്കുന്നതിനിടയില്‍
പൊട്ടിവീണൂ ഒരുകുപ്പിമരുന്ന്.
ഞെട്ടി ഉണര്‍ന്നൂ വെട്ടം.
വരാന്ത രോഗിക്ക് കൂട്ടുകിടക്കാന്‍
വന്നവരുമായ് നേരത്തേ ഞെട്ടിയുണര്‍ന്നു .
മരുന്നലമാരകള്‍
ഓക്സിജന്‍ സിലന്ടര്‍
ഞെട്ടിഉണര്‍ന്നൂ _
സ്റ്റെതസ്ക്കൊപ്പിലെ നിമിഷം .

ഡ്രിപ്പ് ഇട്ടിരിക്കുന്നതിനിടയില്‍ ഇതാരുടെ.....?

ഏറ്റവും വിനീതമായി
താഴേക്കു പൊട്ടി വീണ
മരുന്നുകുപ്പി
തന്റെതാണേന്നൊന്ന് വിളിച്ചുപറയാന്‍
ഇനിയിപ്പോള്‍
ഞെട്ടിയില്ലെങ്കിലും സാരമില്ല
ഈ കിടക്കുന്ന ആള്‍
ഒന്ന് ഉണര്‍ന്നിരുന്നെങ്കില്‍ .

ജീവിച്ചിരിക്കുന്നവരെപ്പോലെ
ഞെട്ടിയുണരാന്‍
മരിച്ചവര്‍ക്ക് അറിയാമായിരുന്നെങ്കില്‍...!

2. ബട്ടര്‍ഫ്ലൈസ് 21

''ഈ കൈത്തണ്ട ഞരമ്പില്‍
പറന്നിരുന്നു
സൂചീ
കൊത്താതെ കൊത്താതെ പോ ''
യെന്നു കരഞ്ഞു കരഞ്ഞു കരഞ്ഞ്
മടുത്തതുകൊണ്ടാവാം
ഒരമ്മ
ഇപ്പോള്‍
ഈ നിമിഷം മുതല്‍
അതേ കിടപ്പില്‍
അതേ വേദനയില്‍ത്തന്നെ,
''ഈ കൈത്തണ്ട ഞരമ്പില്‍
ഒത്തിരി തുളയുണ്ട്
അതിലേ
പ്രാണനേ
പോ..പോ...പോ..''
യെന്ന് മാറ്റി പ്രാര്‍ധ്ധിക്കുന്നത്‌.

കട്ടിലില്‍ പിടയുന്ന ആ_
അമ്മയെ കാണാന്‍ വയ്യാഞ്ഞാവാം
ഒരു മകന്‍
ജനാലക്കരികില്‍ വന്ന്
പുറത്തേക്ക് നോക്കി
കണ്ണുകള്‍ അടച്ച്
വിതുമ്പുന്നത് .

പ്രാര്‍ധ്ധിക്കുന്നത്‌.

പുറത്തെ ഇരുട്ടില്‍
മരങ്ങള്‍ വലിയ മരങ്ങള്‍
വലിയ ആശുപത്രി അതില്‍
വൈധ്യുത ജീവികള്‍
മനുഷ്യര്‍ വലിയ മനുഷ്യര്‍
അവരുടെ വലിയ വലിയ
നിലവിളികള്‍
അതിലേ കടന്നു വരുന്നു
നേര്‍ത്ത മരണം
നേര്‍ത്ത നേര്‍ത്ത മരണം .

ഇരുട്ടാണ്എന്നോര്‍ക്കാതെ
നക്ഷത്രം മുഴുവന്‍
തുളുമ്പിപ്പോകുന്നു .

ഹാ ! തുളുമ്പിപ്പോകുന്നു.

2009-01-06T03:48:00.000-08:00

ചുംബനത്തെ വരിഞ്ഞു കെട്ടാന്‍
ഒരു മുഴം കയറ് താ
(മഹാരാജാസ് സായാഹ്നങ്ങള്‍ക്ക്‌ )

''കയ്ച്ചാലും വേണ്ടീല
പെണ്ണേ, ഒരുമ്മ തന്നിട്ട് പോ ...''
-ഞാന്‍ കെഞ്ചി.

ഒരുമിച്ച് ബൈക്കുയാത്ര ആകാം
പാര്‍ക്കിലോ ബീച്ചിലോ ടാക്കീസിലോ
ഒരുമിച്ചിരുന്നു രസം പിടിക്കാം
അപ്പോളൊന്നും
ഒരിഷ്ട്ടക്കേടുമില്ല അവള്‍ക്ക്.

അമ്മ ,
അച്ച്ചന്‍,
ചിറ്റപ്പന്‍ ,വീട്
അയല്‍ക്കാരന്‍ ചേട്ടന്‍
കൂട്ടുകാരികള്‍...
ഒരു വേവലാതിയുമില്ല അവള്‍ക്ക്.

പണ്ടെന്നോ ചത്തു പോയവര്‍
രാത്രിയില്‍
സ്വപ്നത്തില്‍ വന്ന് പേടിപ്പിക്കുകയും
വിലക്കുകയുമില്ല അവളെ .

ഞാന്‍ കുടിച്ച പെപ്സിയുടെ പാതികുടിക്കാം.
ഞാന്‍ കടിച്ച പിസ്സ അതേപടി തിന്നാം.
മഴക്കും veilinum കുടപിടിച്ചാല്‍
കൂടെ ഉരുമ്മി നടക്കാം .
അപ്പോളൊന്നും
ഒരു കുഴപ്പവുമില്ല അവള്‍ക്ക്.

ഒരുമിച്ച് തുണിക്കടകളില്‍
ഒരുമിച്ച് വളക്കടകളില്‍
ഒരുമിച്ച് പുസ്തകക്കടകളില്‍
ഒരുമിച്ചൊരുമിച്ചൊരുമിച്ചു
ഒരു കുഴപ്പവുമില്ല അവള്‍ക്ക് .

വൈകുന്നേരം
പോകാന്‍ നേരം
''പെണ്ണേ ഒരുമ്മ
തന്നിട്ട് പോ ''എന്നെങ്ങാനും
ഞാന്‍ മിണ്ടിപ്പോയാല്‍ ,
''അയ്യോ !അച്ച്ചന്‍ വരും ...''
''അയ്യോ!ചിറ്റപ്പന്‍ കാണും...''
''വീട്ടിലറിഞ്ഞാല്‍..''
''വേണ്ടന്നേ...''
''നാളെത്തരാം...''
''കയ്പ്പാണ്...''
''പുളിപ്പാണ്...''
അങ്ങനെയങ്ങനെ
പോകാന്‍ നേരം
വൈകുന്നേരം .

അല്ലെങ്കിലും
ഈ പെണ്ണുങ്ങള്‍ ഇങ്ങനെയാ .
അവര്‍ക്ക് പ്രേമിക്കാന്‍
അറിയത്തെയില്ല.
അവരെ
പ്രേമിക്കാന്‍
കൊള്ളത്തെയില്ല.

2009-01-04T19:36:00.000-08:00

രാത്രിയുടെയോ പുലര്‍ച്ചയുടെയോ കവിത

രാത്രിതന്‍ നിശ്ശബ്തതയില്‍

ഈ സെമിത്തേരിയില്‍

പൊടുന്നനെ ശവക്കല്ലറകള്‍ കൂര്‍ക്കം വലിക്കുന്നു .

ഉറക്കം കിട്ടാതെ

കട്ടിലില്‍ രോഗികളെന്നപോല്‍

എഴുന്നേറ്റിരിക്കുന്നു കുരിശുകള്‍ .

നാശം ! സെമിത്തേരി തന്‍

മുറ്റത്തൂടുലാത്തുന്നു

നിമിഷം .

(അവിടെയൊരു നീളന്‍ വരാന്തയുണ്ട്

നിമിഷത്ത്തിനുമാത്രം കാണാവുന്നത്‌ )

അകലേ പള്ളിയൊരു -

കടവാവലായ് പറന്നു നില്ക്കുന്നു.

അതേ പിണങ്ങി നില്ക്കുന്നു .

(മട്ടുമാറി)

''വെളിച്ചമേ

ഹാന്‍സ് അപ്പ്.

മര്യാദക്ക് ഹാന്സപ്പ് .''

''ഇന്നാപിടിച്ചോ''എന്ന്

വെളിച്ചമെണിറ്റല്ലോ.

ഹാവൂ...

ഇനി പ്രഭാതം .

കവിതയെഴുതെണ്ടവര്‍ക്ക്

കവിതയെഴുതാം .

അതല്ല , പണിക്കു പോകണമെങ്കില്‍

പണിക്കു പോകാം .

2009-01-04T19:26:00.000-08:00

മീനുകള്‍

മീനുകള്‍.

മീനുകളെ -

തിന്നുന്ന

മീനുകള്‍.

മീനുകളെ -

തിന്നുന്ന

മീനുകളെ

തിന്നുന്ന

മീനുകള്‍.

മീനുകളെ

തിന്നുന്ന

മീനുകളെ

തിന്നുന്ന

മീനുകളെ

തിന്നുന്ന

മീനുകള്‍.

മീനുകള്‍

ജലത്തിന്‍

പിടിയിലകപ്പെട്ടു

കഴിയുന്ന

പാവം

സമുദ്രത്തില്‍ .

2009-01-04T19:07:00.000-08:00

കടല്‍ചേതം

ഒരു കുടന്നയില്‍
കോരിയെടുക്കാന്‍ പാകത്തില്‍
നീല നിറത്തില്‍
എനിക്കു മുന്നില്‍ കാണുന്ന വെറും വെള്ളക്കെട്ട് .
ഇതിനെയാണോ കടല്‍ എന്നുഭയക്കുന്നത് ?
ഇതോ നിന്‍റെ കപ്പലുകളെ
മുക്കിക്കളയുമെന്നു പറയുന്ന കടല്‍?
കപ്പിത്താനേ മരക്കിഴങ്ങാ....
ഈ വെള്ളക്കെട്ടിനേക്കാള്‍ വലുതാണ്‌
എന്‍റെ വീട്ടിലെ ബാത്ത് ടബ്
നീ വന്നു കാണ്..... കാണ് .

2009-01-04T17:52:00.000-08:00

പ്രിയപ്പെട്ട ഇരേ...

തീരത്ത് അഴുകിപ്പോയ നിലയില്‍

ഒരുവന്‍റെ ശവം കിടക്കുന്നത്

ഞാന്‍ കാണുന്നു .

പൊടുന്നനെ ,

ചുറ്റിലും കൂടിനിന്ന

ആളുകളെ വകഞ്ഞു മാറ്റി

വന്ന്

അവന്‍റെ തലക്കല്‍ പിടിച്ച്

കുട്ടികള്‍ ;

''അച്ഛാ.....!''

പൊടുന്നനെ ,

ചുറ്റിലും കൂടിക്കിടന്ന

മണലു വകഞ്ഞു മാറ്റി

വന്ന്

അവന്‍റെ കാല്‍ക്കല്‍ പിടിച്ച്

തിരകള്‍ ;

''മകനേ .....!''

2008-12-25T03:25:00.000-08:00

അവസാനത്തെ കാമുകന്‍

(ഒരു പ്രഭാതത്തിന്റെ ഓര്‍മ്മയ്ക്ക്‌ )

പ്രേമമേ , നെടുനീളന്‍

പര്‍വതത്തിന്റെ പ്രേതമേ ...

പാതിരകളില്‍ വഴിനീളെ

വന്നു നിന്‍ ചിരി മുഴക്കുന്ന

ശബ്ദമെന്തൊരു ശബ്ദം .

ചില നേരങ്ങളില്‍ നിന്നു നീ

വെള്ളപ്പാട മഞ്ഞു പുതച്ച്.

പിന്നെയാക്കുതരും മരങ്ങള്‍ തന്‍

മരതകച്ച്ചായ വിരിച്ചു നീ .

കണ്ണുകള്ക്കായം പോരാ

നിന്നെയപ്പടിഒതുക്കുവാന്‍

നിന്‍റെ പേരിന്‍റെ

നീളമെന്തൊരു നീളം

ഞാനതില്‍ വീടുവെച്ചു

പാര്‍ക്കാന്‍ കൊതിച്ചവനല്ലോ .

നിന്നെ തൊടാനാഞ്ഞു

കല്ലില്‍ത്തട്ടി

വായുവിന്‍ ചോര ;

യെന്‍ ദേഹം മുഷിഞ്ഞല്ലോ .

2008-12-25T03:10:00.000-08:00

നീയെന്നെ തിരസ്കരിക്കുന്നതാണ് ....

നീയെന്നെ തിരസ്കരിക്കുന്നതാണ്
വലിയ കുഴപ്പമെന്നേ .
അപ്പോഴെനിക്ക്‌
നിന്നോടുള്ള ഇഷ്ടം കൂടുകയേ ഉള്ളൂ .
എന്നോടു ദേഷ്യപ്പെടുന്നതാണ്
വലിയ കുഴപ്പമെന്നേ...

നീയെന്നെ ഇഷ്ട്ടപ്പെട്ടു നോക്കൂ.
പിന്നെ ഞാനൊരു ശല്യമായി
തോന്നുകയേയില്ല ..

2008-12-25T02:38:00.000-08:00

ഉറക്കത്തിലെ മരണം

ഈ ചാരുകസേരയിലിരുന്നു

അറിയാതെ

കൂര്‍ക്കം വലിച്ചുറങ്ങി പോയതാണേ .......

മൂക്കിലൂടകത്തോട്ടും പുറത്ത്തോട്ടും

കയറിയുമിറന്ങിയും

കളിക്കുകയായിരുന്ന വായു ,

അതേ കളി ഏറെനേരം

കളിച്ചു മടുത്ത്

''ഇപ്പ വരാമേ '' എന്നു പറഞ്ഞ്

അക്കു കളിക്കാനിറങ്ങിയതാനേ ....

തൊടിയിലാകെ പൂവുകണ്ട,തിന്റെ -

മണത്തിന്റെ കൂടെ

എങ്ങോ ചുറ്റി നടക്കുകയാനേ.....

എന്റെ ചുട്ടിലുമിരുന്നു കരയുന്നവരില്‍

ആരെന്കിലുമൊന്നതിനെ

തിരക്കിപ്പോകണേ ....

ഈ ചിതയില്‍ നിന്നെന്നെ

ഇറക്കി കിടത്തനേ.....

2008-12-25T02:31:00.000-08:00

കാമുകി

നഷ്ടപ്പെട്ടു പോയെന്നു
വിചാരിച്ചതാണവളെ .
ഭാഗ്യം കൊണ്ടാണ്
തിരിച്ചു കിട്ടിയത്.
അവള്‍ക്കു വേറെ കെട്ടിയോനും
കുട്ടികളുമായെങ്കിലും.

2008-12-19T10:22:00.000-08:00

എക്കോ പോയിന്‍റ്

(ഒരു മൂന്നാര്‍ യാത്രയുടെ ഓര്‍മ്മയ്ക്ക്‌ )

എവിടെ നിന്നൊക്കയോ

വണ്ടിയില്‍ വന്നിറങ്ങിയ കുട്ടികള്‍

ഈ പുഴയുടെ തീരത്തു നിന്ന്

കാടിനെ നോക്കി എന്തൊക്കയോ വിളിക്കുന്നു .

കുട്ടികളെ നോക്കി കാടുമെന്തോക്കയോ വിളിക്കുന്നു.

കുട്ടികളുച്ചത്ത്തില്‍

വിളിച്ചു കൂവുന്നതവരുടെ

പേരുകള്‍ തന്നെയാണെന്ന്

പാവം കാടിനരിയില്ലല്ലോ.

കാട് ഇങ്ങനെ വിചാരിച്ചു :

''ശ്ശെടാ , ഈ പിള്ളേരോട്

ഒരു ദ്രോഹവും ഞങ്ങള്‍ ചെയ്തിട്ടില്ല

പിള്ളേരുടെ തന്തമാരോടും

തന്തമാരുടെ തന്തമാരുടെ തന്തമാരോടും

ഞങ്ങള്‍ ദ്രോഹമോന്നും ചെയ്തിട്ടില്ല .

പിന്നെന്തിനാ ഇവറ്റകള്‍

ഇത്രയും ദൂരം വണ്ടി പിടിച്ചു വന്ന്

ഞങ്ങളെ നോക്കി

തന്തക്കു വിളിക്കുന്നത് ?''

2008-12-19T09:42:00.000-08:00

വായന

നഗരത്തിലെ പാര്‍ക്കില്‍ വെച്ച്

കവിസുഹൃത്തിനെ കണ്ടുമുട്ടി.

സന്തോഷം

സായാഹ്നം.

''ഒരു പുതിയ കവിതയുണ്ട്.

തിരക്കില്ലങ്കില്‍

എങ്ങോട്ടെങ്കിലും മാറിയിരിക്കാം .

കവിത വായിച്ചു കേള്‍പ്പിക്കാം .''

സസന്തോഷം

സസായാഹ്നം.

അവന്‍ നീട്ടിയ കടല കൊറിച്ചുകൊണ്ട്

''എന്റെ കയ്യിലുമുണ്ട്

കവിതയൊന്ന്.

ഞാനും വായിക്കാം....''

സസസന്തോഷം

സസസായഹ്നം .

നഗരത്തിലെ പാര്‍ക്കില്‍ വെച്ച്

കവിസുഹൃത്തിനെ കണ്ടുമുട്ടി

ഞങ്ങള്‍ ആളൊഴിഞ്ഞ ഒരിടം

നോക്കി നോക്കി നടക്കുന്നു .

''സാറമ്മാരേ, ദേ അങ്ങോട്ടിരിക്കാം .''

ഞെട്ടി നോക്കുമ്പോള്‍

പിന്നിലൊരുത്തന് നിന്ന്

അകലെ പൊന്തക്കാടിനു

വഴി കാട്ടുന്നു .

''അവിടെയിരുന്നാല്‍

ആരും കാണില്ല സാറേ ..''

''എന്തു കാണില്ലെന്ന് ?''

എനിക്കു ദേഷ്യം വന്നു.

''ങ്ങ് ങ‌ും...ഞാനെല്ലാം കേട്ടു.

കവിത വായിക്കാന്‍ വന്നവരല്ലേ.

എനിക്കെല്ലാം മനസ്സിലായി സാറേ......''

അവനു നാണോം വന്നു.

2008-12-19T08:13:00.000-08:00

പോക്കാച്ചീ

പിപ്പീ പീപ്പീ പോക്കാച്ചീ

പാടിയിരിക്കും മാക്കാച്ചീ

പീക്കിരി തുള്ളി വരുന്നുണ്ടേ

പോക്കിരി നിന്നെ പായിക്കും

പിപ്പീ പീപ്പീ പോക്കാച്ചീ

ചാടിഒളിക്കൂ മാക്കാച്ചീ...

2008-12-19T08:04:00.000-08:00

തിരസ്കാരം

അവള്‍ തിരസ്കരിച്ച
വിത്താണ് ഞാന്‍

അതിനാല്‍
പോവേന്ടെനിക്ക്
ഇനി മണ്ണിലേക്കും
കാന്താരത്ത്തിലേക്കും

വായുവില്‍
പറന്നുനിന്നു
ഞാനിന്നൊരു
പറവയുടെ വിശപ്പടക്കും .

2008-12-18T09:10:00.000-08:00

അപകട മരണത്തെക്കുറിച്ച്
ഒരു വണ്ടി മൊതലാളിയുടെ കവിത

കമ്പനി എതെലുംആകട്ടിഷ്ടാ കാറ് പുത്തനൊന്നു
വേണമെന്കില്‍ ലക്ഷം മൂന്നു മൂന്നര മുടക്കണം .
ഇനീപ്പോ സെക്കനാന്ട് വാങ്ങാന്നു വെച്ചാലോ
അപ്പഴും വേണം എഴുപത്തയ്യായിരം മുതലങ്ങോട്ട്.
ഈ യാത്രക്കാരൊക്കെ പോണ ബസ്സില്ലേ, ബസ്സ്.
അതിന്റെ വേലയെന്താന്നാ .ആറേഴു ലക്ഷത്തിന്റെ
മൊതലാ . നിസ്സാര കളിയൊന്നുമല്ല ഈ
കളിക്കണതെയ്.വോള്വോയാണേല്‍ പറയേം
വേണ്ട .അപ്പളെന്താ N.H.ലവനങ്ങട് നിവര്‍ന്നു നീണ്ട്
നൂറേല്‍ ഒഴുകി ഒഴുകി ഒഴുകി ....ഹായ് ...ആ
വരവൊരു വരവാണേ. ഇതൊന്നുമാലോചിക്കാണ്ട്
മ്മ്ടെ ആളുകള്...ദേ ങ്ങട് നോക്ക്യേ ...മ്മ്ടെ
ആളുകള് വണ്ടീടെ കുറുകെ അങ്ങട് ചാടിക്കൊടുക്കും.
വണ്ടീന്ന് പറഞ്ഞാ യന്ത്രോല്ലിഷ്ടാ, യന്ത്രം .
അതിനു വല്ലതും അറിയാമാ.
അതങ്ങട് പണീം കൊടുക്കും .....

2008-12-18T08:37:00.000-08:00

ഗോദയില്‍ കാത്ത്

"നിങ്ങള്‍ക്കറിയാമോ കുട്ടികളെ,വിഖ്യാത ചിലിയന്‍ കവി
ശ്രീമാന്‍ പാബ്ലോ നെരൂദ തന്റെ പതിനെട്ടാമത്തെ വയസ്സില്‍
വലിയ കവിയായി പേരെടുത്ത ആളായിരുന്നു ...."
പണ്ഡിതനായ പാരലല്‍ ഗുരു
ഇപ്രകാരം ക്ലാസ്സില്‍ മൊഴിഞ്ഞപ്പോള്‍
ഞാന്‍ മനസ്സിലോര്‍ത്തു ;
എനിക്കിപ്പോള്‍
പതിനേഴേ ആയോള്ളൂ .
അടുത്ത വര്‍ഷം ഞാനുംഇറക്കും
പുസ്തകമൊന്ന്.
പിന്നെ ഞാനാരാ....

ആഞ്ഞു പിടിച്ചു കവിതയെഴുതി
ഗുരുവിനെ കാണിച്ച് അനുഗ്രഹം വാങ്ങി
തെക്കോട്ടും വടക്കോട്ടും വാരികക്കയച്ചു
നെരൂദയെ വെല്ലുവിളിച്ചു .
അയച്ചതെല്ലാം തിരിച്ചയച്ച്
വാരികക്കാരെന്നെ വെല്ലുവിളിച്ചു .

വയസ്സിപ്പോള്‍
ഇരുപത്താറ് കഴിഞ്ഞു
ഒരു കവിതപോലും വന്നില്ല
പ്രീ ഡിഗ്രി തോറ്റും പോയി
ഗുരുവിനെ കണ്ടപ്പോള്‍
ഒരു ചളിപ്പ്‌
മുഖം കുനിച്ചുപിടിച്ച്
മാറി നടന്നു.
മനസ്സുപറഞ്ഞു ;
റില്‍ക്കെയൊക്കെ
ഇരുപത്താറ് കഴിഞ്ഞു
എഴുതിയവരാണ്.
രില്‍ക്കയെക്കാള്‍
വലുതല്ലല്ലോ
നെരൂദ....

2008-12-18T08:21:00.000-08:00

പെറ്റി-ബൂര്‍ഷ്വാ തൊഴിലാളിക്ക്

ഒരു തുറന്ന കത്ത്

ഞാന്‍ ദാസ്യപ്പണി നിര്‍ത്തീ

സഖാവേ....

അടിമകളെക്കൊണ്ട്‌ ലോകം

നിറഞ്ഞിരിക്കുന്നതിനാല്‍

ഞാന്‍ അമേരിക്കയുടെ

കൂടെപ്പോണൂ, സഖാവേ

വിപ്ലവം ജയിക്കട്ടെ .

2008-12-18T08:05:00.000-08:00

ഒഴിവുകാലം

പുല്ലുകളില്‍

ഊറിക്കൂടിയ മഞ്ഞുകണങ്ങളെ

നോക്കിയിരിക്കാനായിരുന്നു

എനിക്കിഷ്ടം.

എന്നാല്‍

പുല്‍നാമ്പിലൂടെഎപ്പോഴും

താഴേക്ക് ഊര്‍ന്ന് ഇറങ്ങാനായിരുന്നു

മഞ്ഞുകണങ്ങല്‍ക്കിഷ്ടം.

ഇപ്പോള്‍

അവ

പുല്‍നാമ്പുകളില്‍

വിശ്രമിക്കാന്‍

കൂട്ടാക്കുന്നതെയില്ല..

2008-12-18T07:52:00.000-08:00

കുറിയെടത്ത് രാത്രി

ഞാനൊരുപാട് നേരമായ് നോക്കുന്നു .
വഴിയിലൊന്നും
മരുന്നിനുപോലും ഒരെണ്ണത്തിനെ
കണ്ടില്ല.
തിരിച്ചു പോരാന്‍ നേരം
മുന്നില്‍ ദേ നില്‍ക്കുന്നൊരു സാധനം.
താത്രിയെന്നോ മറ്റോ പറഞ്ഞു .
രാത്രി എന്നാണുകേട്ടത് .
രാത്രിയെന്കില്‍ രാത്രി .
വാ പോകാം .

2008-12-18T07:26:00.000-08:00

രണ്ടു തുള്ളികള്‍

ഒരു മഴത്തുള്ളി

മറ്റേത്തുള്ളിയോടു ചെയ്യുന്നതുകണ്ടാല്‍

സഹിക്കുകേല ദൈവമേ ........

ഇന്നലെ സന്ധ്യക്ക്‌

റബ്ബര്‍ത്തോട്ടത്തിലൂടെ

വീട്ടിലേക്ക് വരുമ്പോള്‍

ഹൊ!

റബ്ബര്‍മരത്തോടുചേര്‍ത്തു നിര്‍ത്തി

ഒരു തുള്ളി

മറ്റേതിനെ ആഞ്ഞുമ്മവെക്കുന്നു .

പാവം മറ്റേത്തുള്ളി ,

തള്ളി മറിച്ചിട്ട്

കുതറിയോടുന്നതിനിടയില്‍

പുല്ലില്‍ വീണുപോയിട്ടും

വിട്ടില്ല .

പുല്ലില്‍ മറിച്ചിട്ട്

തുടകള്‍ കവച്ചു കിടത്തി

ആഞ്ഞാഞ്ഞുമ്മ വെക്കുന്നു .

എന്റെ ദൈവമേ

ആഞ്ഞാഞ്ഞാഞുമ്മ വെക്കുന്നു .

ഇതെല്ലാം കണ്ടുകൊണ്ടുള്ള

റബ്ബര്‍ മരത്തിന്‍റെ

ആ നില്‍പ്പു കണ്ടാല്‍

ഒട്ടും സഹിക്കുകേല ,ദൈവമേ.....

2008-12-18T07:07:00.000-08:00

മാര്‍ച്ച്- ഏപ്രില്‍ മാസങ്ങളിലെ അവള്‍

ഇലകള്‍ പൊതിരേ
നെഞ്ഞത്തടിച്ചു നിലവിളിക്കുന്നു .
'അയ്യോ പൊത്തോ'..എന്ന് വീണു
കെട്ടിപ്പിടിച്ചു മണലില്‍ക്കിടന്നുരുളുന്നു .
കാര്യമെന്തെന്ന്
ഒരെത്തും പിടിയും കിട്ടിയില്ല .
എനിക്കാണെങ്കില്‍ സങ്കടം വന്നിട്ടും മേല .
പിന്നെ ഞാന്‍ രണ്ടും കല്‍പ്പിച്ചു
അവിടന്നെഴുന്നേറ്റു പോയി
കിളികള്‍ പാടുന്ന മേയിലിരുന്നു .

2008-12-18T00:23:00.000-08:00

അത്യുന്നതങ്ങളില്‍ നീയിരിക്കുന്നു

മുകളിലേക്ക് നോക്കുമ്പോള്‍ ,

ഉയരങ്ങള്‍

കൈകാലിട്ടടിക്കുന്നു .

അതുപെരപ്പുറത്തു

വീഴുമോയെന്ന്

ഭയമുന്ടെനിക്ക് .

2008-12-18T00:11:00.000-08:00

വെള്ളിയാഴ്ചാ ദിവസത്തിനൊരു സ്തുതി ഗീതം

പെട്ടെന്നൊരു

ദിവസം

ചത്ത്തവരെല്ലാം കൂടി

കുഴിയില്‍

നിന്നെഴുന്നേറ്റ് വന്ന്

വെള്ളിയാഴ്ച്ച ദിവസത്തിന്

സ്തോത്രം paadeeee..........

ഇതുകണ്ട്

ചെറുപ്പക്കാരും

കുട്ടികളും

കുഴിയിലേക്ക് കാലും നീട്ടിയിരിക്കുന്നവരും

അത്ഭുതപ്പെട്ടു

മാറി നിന്നു

എന്തെന്നാല്‍

ആ ദിവസം

ശരിക്കുമൊരു

ബുധനാഴ്ചയായിരുന്നു

2008-07-24T01:06:00.000-07:00

പിരിയുമ്പോള്‍

പിരിയുമ്പോള്‍
അവളോട്‌

ഞാന്‍ ചത്തെന്ന്‌ അറിഞ്ഞാല്‍ പോലും
കാണാന്‍ വന്നേക്കരുതെന്ന്
പറയണമെന്നുണ്ടായിരുന്നു
പക്ഷെ ,പറഞ്ഞില്ല.

അവളെങ്ങാനും വന്നാല്‍
എനിക്കെന്തു ചെയ്യാനാവും .

2008-05-27T05:28:00.000-07:00

പ്രേമമേ നീ പെട്ടന്ന് തീര്‍ന്നുപോമൊരു കവിതയോ

എനിക്കെന്റെ ആദ്യത്തെ പ്രേമം നഷ്ടമായത്
ഞാന്‍ എഴുതിയ ആദ്യത്തെ കവിത
അവള്‍ക്കു വായിക്കാന്‍ കൊടുത്തതിനാലാനെന്നു
രണ്ടാമതൊരു കവിത എഴുതി രണ്ടാമത്തവളെ വായിച്ചു കേള്പ്പിച്ചപ്പോള്‍ ആണ്
മനസ്സിലായത് .

രണ്ടാമത്തവള്‍ പോയ
വഴിയിലേക്കു നോക്കി ഇരിക്കുമ്പോള്‍
അതാ മൂന്നാമതൊരു കവിത എഴുതാന്‍ മുട്ടലുണ്ടാകുന്നു

ആ കവിത എന്റെ പട്ടിയെഴുതും....

2008-05-14T01:17:00.000-07:00

അണ്‍ സാടിസ്ഫയെദ് ആന്റീസ് ആന്‍ഡ്‌ അന്കില്സ് ക്ലബ്ബ്
ഇപ്പോഴും
രണ്ടു കുന്നും ഒരു കുഴിയുമാണ്
ഈ പെണ്ണുങ്ങള്‍

എപ്പോഴും
കുന്നിടിച്ചു നിരത്തലും
കുഴിമൂടലുമാണ്
ഈ ആണുങ്ങള്‍

ദയവായി
അവരോടാരും
അരുതെന്നുമാത്രം
പറയരുതേ

2008-05-08T01:19:00.000-07:00

വിശപ്പ്‌

തള്ളയുടെ മടിയില്‍ കിടന്നു

മുലകുടിക്കുന്ന ഒരു കുഞ്ഞും

അതിന്റെ തന്തയും തമ്മിലുള്ള വ്യത്യാസം

തന്ത അടങ്ങിക്കിടക്കില്ല

എന്നത് മാത്രമാണ്

2008-05-02T00:55:00.000-07:00

ചെമ്പരത്തികള്‍

അവള്‍ നട്ടതെന്നും
എനിക്കുള്ള വിത്ത്
അവള്‍ വെള്ളമേകി
എനിക്കുള്ള പൂവ്
അതിനുള്ള ഗന്ധം
അതിനുള്ള ചോപ്പ്‌
അവള്‍ കാത്ത്തതെന്നും
എനിക്കുള്ള പൂവ്
ചെവിതോറും അത് ചൂടി
ഞാന്‍ നില്‍ക്കുവോളം
അവളെന്റെയല്ലേ ...
ഇതു പ്രേമമല്ലേ...